بسسم الله الرحمن الرحيم ...
رجعت مره ثانيه بعد رواياتي وبعد سنه كامله تقريبا ماكتبت ولا فكرت اكتب ...لقيتني كاتبه بدون مادري روايه
او بداية روايه ...مادري يمكن تعجبكم ...اذا اعجبتكم البدايه ..والفكره راح اكملها ...
وهذاي بعد رواية شغب في مدارس الرس ...ومن الفضاوة طبعا ...
الكاتبه :H.m
أأخفي حنيني
بسم الله
كانت زحمة الحج هالسنه قويه ...والكل مزدحم وحالته حاله يبغون وجه الله ...
كان ماسسك زوجته بيده وزوجته متمسسكه ببنتها بقوة ...
والكتمه بين الناس والزحمه بلحظة وحده ..انفكت عن يدها ...سمعت صرخه :ماما
امها وقفت وصارخت بنتي بنتي ...
ابوها ركض بجهتها يدور مثل المجنون وزوجته بجهه وتصيح بصوت عالي ((بنتي بنتي...ساره ...ظناي ..حبيبتي سارة بنتي ي اناس بنتي )) ...
:
:
:
:
:
كان جالس وماسسك جهازة يلعب
امه - قوم جب لنا اغراض من البقاله ...
عزوز- لحظة لحظة ....بفوز يمه ..يس يس يس
امه - الناس تكبر عقولهم وانت تصغر قوم ي مال الصلاح ...
عزوز وقف وهو يتمغط - آآآآه ..وش تبين ي الغلا...
امه - انا وصيت البقاله بس ماعنده احد يوصل رح جبهن من عنده ....
عزوز - ان ششاء الله ...
مشى ومر من المطبخ وقال- اووخص العروس تششتغل ..
فاطمة - ي ربي متى تجي الشغاله طفشششت
عزوز- الله يخلف بس الحين بتعرسسين وتبين شغاله
فاطمة - فهودي بيجيب شغاله من اول يوم
عزوز -ايه هيين
طلع للبقاله
............
كانت جالسه ع التلفزيون وتطالع بحماس
جلست جنبها ششوق وقالت - وش الجديد..؟
اشواق- مات مشاري ...
شوق- لا لا وش فايده المسلسل دام الاطخم مات ...
اشواق- حسين وينه؟؟
شوق- طالع
اشواق- اها خليه يجيب لنا عشا
شوق- قومي اتصلي عليه ....
مسكت اشواق جوالها واتصلت قالت له يجيب عششاء
شوق تطالع بالمسلسل وتفكر بششي ثاني
اشواق- ي قلبي على حبيبته
شوق - اشواق ....!
اشواق - شنو؟؟
شوق- تتوقعين نلقى اختنا سارة؟
اشواق التفتت ورى تتأكد مافيه احد ...
اشواق- لا تسسمعك امي ...كل ششي جايز ...بس ماتوقع ضاعت خلاص ....هذا اذا كانت على قيد الحياه ...
شوق- طيب ماتدل بيتنا
اشواق - تخيلي بسس ...يعني كان عمرها 7 سنوات بتتذكر بعد هالسنين كلها؟؟
شوق- مادري ...كانت تشبهني صح؟
اشواق- صورتها يب ....
سكتن وهن يفكرن باختهم اللي من 13 سنه وهي مفقوده ولا لقوا لها اثر ....
...............
عزوز نزل الاغراض
ابوه - يقولون بكرة تاصل الشغاله للقصيم ..
عزوز - لا تقول بجيبها ...ترى كل ششوي رايح جاي ع المطار
ابوه- بتروح انا بكره عندي شغل
علي- بروح معه
ابوه - خلاص خذ علي معك ....
علي- بس يبه ترى بس يهاوشني
عزوز قلب وجهه وقال- ي التسذوب انا صرت اهاوششك ....
علي -ويفحط ع السيارة ....
عزوز ينكر- اصلا متى ركب معي
ابوه - وتبي سيارة انت هااه نشووف ي الحمار ...اول ششي تضرب اخوك
عزوز قاطعه - هاوششته بس
ابوه عصب - اللي هو ....وتفحط على سيارتي ...واقول من وين جاني ساهر ...
عزوز بضيق - انا لله ...
طالع باخوه علي وقال- وانت ي البزر شغلك عندي ......
فاطمه - جد بكرة بتاصل؟؟
عزوز- ايه تروحين معي للمطار؟؟
فاطمه - لا والله
علي- انا بروح
عزوز- انثبر مافيه روحه
علي - يبه شفت
ابوه - لا يكثر ...وانت تحط راسك براس بزر
عزوز- موب بزر يبه ....قسم انه ملعون
ابوه - لا تلعن الله يهديك مادري متى بتعقل ..
امه جلست وقالت- انا اقولك الناس يكبرون وانت تصغر ...
.......................
من بكرة ركب السيارة
ابوه - لا تسسرع
عزوز- ان ششاء الله
ابوه ودق علي اذا وصلت المطار عشان اقول لابو سعد يطلع لك يخلصك بسسرعه
عزوز- ان ششاء الله
ابوه- لا تفحط ...مو لان مامعك احد تفحط
عزوز- تبت انا الحمد لله ...
ابوه - الله يثبتك ...ي الله وانتبه لطريق
عزوز- ي الله ...مع السلامه
مشى باتجاه المطار
.............
حسين - يبه ....ابي فلوس
ابوه يطلع له خمسين وقال - اقتصد ي ولدي لا تسسرف ترى بيومين وانت مخلص ميه
حسين - على امرك يبه
شوق حسين ابي السوق وصلني
حسين- اقول اذلفي
ابوه - وش تبين بالسسوق؟؟
حسين - تبي الدوجه يبه
شوق- لا وربي ابي المكتبه
ابوه- ودها هي واختها يخلصون اللي يبون
حسين اخذ نفس - انتظركم خمس دقايق وامششي ....
شوق- ي النفسسيه يعني منه مثلا
حسين عصب وقال- انا اوديكم والا لا
شوق- اوووه ...
طلعت تركض لاشواق تقولها
......................
نزل من السياره وهو يكلم ابوه ...سكر الباب وسكر الجوال واتجه لبوابة المطار
عزوز بنفسسه- ي ليل الحاله كانه ماتفهم عربي ...او تصير ثرثاره طول الطريق تقرق علي ...
شاف ابو سعد يسلم عليه من بعيد ....سلم عليه
عزوز- اخبارك واخبار العيال
ابو سعد- تمام ...اخبار الوالد...؟
عزوز- الحمد لله ....هاه لايكون مطوله هالشغاله ..ترى الطريق رافع ضغطي ...
ابو سسعد - لا ان ششاء الله بخلصك الحين ....
دخل وقع على كم ورق ..ابو سسعد- الحين تجي ...
طلع عزوز وهو يطالع باللي بالصاله ناس تنتظر طياراتهم وناس تنتظر ناس
شاف وحده متجهه له بلبسه مثل الشغلات ..يطالع بشغالتهم الجديده ...
عزوز فتح فمه - شغاله؟؟
التفت لابو سعد وقال- هاذي هي؟؟!
ابو سعد- ايه ...مشكوك باصلها صراحه ...
رفع حاجبه وهو يطالعها وقفت قدامه وشافت نظراته ونزلت عيونها
كانت حلوه موب ملامح اندونسيه ابد ...خشمها طويل وصغير ...وعيونها كبار ورموشها كثيرها ...شفايفها صغيره كانت تجنن موب شغاله ...وطولها غير عن الشغلات ..كانت اقصر منه بششوي
ابو سعد- طيب ...اسمها سميرا ...من جوا ...خلاص تقدر تروح معك ...
عزوز وهو يطالعها - طيب ماقصرت ابو سسعد ...نشوفك على خير ...
مشى قدامها ولحقته
فتح لها شنطة السيارة ووقفت جنبه ورفعت الشنطه الثقيله وساعدها عزوز وسكر الشنطه
ركب وركبت وراه ...كانت ساكته ....
مشوا متجهين للبيت ...عزوز يطالعها بالمرايه ويصد ...يطالعها ويصد...
كانت تطالع برى السياره وتفكررررر
عزوز- تعرفين عربي ...؟
انتبهت وقالت- يس ... ايه اعرف ششوي
عزوز رفع حاجبه وهو يطالعها ...((أعرف ششوي )) بدون تكسير ولا ششي حتى العين تنطقها زين
عزوز- قد اشتغلتي قبل ؟؟
قالت - لا ...بس اعرف
عزوز التفت لها وقال- انتي اكيد اندونسيه ؟؟
تغير وجهها وقالت بخوف وبربكه وبصوت فيه صيحه- يس
عزوز تأمل بملامح وجهها ورجع يطالع الطريق ...وزاد سرعته ...ومعروف ان سرعته مجنوونه ....